ಕ್ಲಬ್‌ನ ಭವಿಷ್ಯದ ಆಟಗಾರರಾಗಿ ಗೋಲ್‌ ಕೀಪರ್‌, ಡಿಫೆಂಡರ್‌ಗೆ ಮಣೆಹಾಕಿದ ಬ್ಲೂಸ್‌ ಯುವಕರ ನಂಬಿಕೆಯಾಗಿ ಮುಂದುವರಿದಿದೆ
ಗೋಲ್‌ ಕೀಪರ್‌ ಲಾರಾ ಶರ್ಮಾ ಮತ್ತು ಡಿಫೆಂಡರ್‌ ವುಂಗಯಾಮ್‌ ಮುಯಿರಾಂಗ್‌ ಅವರು ಒಪ್ಪಂದ ವಿಸ್ತರಣೆಗೆ ಸಹಿ ಹಾಕಿದ್ದಾರೆ ಎಂದು ಬೆಂಗಳೂರು ಎಫ್‌ಸಿ ಮಂಗಳವಾರ ಪ್ರಕಟಿಸಿದೆ. 2024-25ಸರ ಋುತುವಿನ ಅಂತ್ಯದವರೆಗೆ ಅವರನ್ನು ಬೆಂಗಳೂರಿನಲ್ಲಿರಿಸುವ ಹೊಸ ಮೂರು ವರ್ಷಗಳ ಒಪ್ಪಂದಕ್ಕೆ ಮುಯಿರಾಂಗ್‌ ಕಾಗದ ಪತ್ರಕ್ಕೆ ಸಹಿ ಹಾಕಿದರೆ, ಲಾರಾ, ಅಸ್ತಿತ್ವದಲ್ಲಿರುವ ಒಪ್ಪಂದಕ್ಕೆ ಇನ್ನೂ ಮೂರು ವರ್ಷಗಳನ್ನು ಸೇರಿಸಿದ್ದಾರೆ. ಇವರ ಹಿಂದಿನ ಒಪ್ಪಂದ ಇನ್ನೂ ಒಂದು ವರ್ಷ ಬಾಕಿ ಉಳಿದಿದೆ.
‘‘ ನಮ್ಮ ಪ್ರಮುಖ ಯುವಕರನ್ನು ಉಳಿಸಿಕೊಳ್ಳುವುದು ಮತ್ತು ಅವರ ಸುತ್ತ ತಂಡವನ್ನು ನಿರ್ಮಿಸುವುದನ್ನು ಮಾಡಲು ಹೊರಟಿದ್ದೇವೆ ಮತ್ತು ಲಾರಾ ಮತ್ತು ಮುಯಿರಾಂಗ್‌ಗಾಗಿ ವಿಸ್ತರಣೆ ಮತ್ತು ಹೊಸ ಒಪ್ಪಂದವು ಆ ಯೋಜನೆಯ ಭಾಗವಾಗಿದೆ. ಈ ಇಬ್ಬರು ಯುವಕರು ತಮ್ಮ ಸಾಮರ್ಥ್ಯ ಏನೆಂದು ಒಂದಕ್ಕಿಂತ ಹೆಚ್ಚು ಸಂದರ್ಭಗಳಲ್ಲಿತೋರಿಸಿದ್ದಾರೆ. ಹೆಚ್ಚು ಮುಖ್ಯವಾಗಿ, ಅವರು ಅಗಾಧ ಸಾಮರ್ಥ್ಯ‌ವನ್ನು ಹೊಂದಿದ್ದಾರೆ – ನಾವು – ಸೈಮನ್‌ ಅವರ ಚುಕ್ಕಾಣಿಯಲ್ಲಿ- ಅವರನ್ನು ತಲುಪಲು ಸಹಾಯ ಮಾಡಲು ಬಯಸುತ್ತೇವೆ,’’ ಎಂದು ಬೆಂಗಳೂರು ಎಫ್‌ಸಿ ಸಿಇಒ ಮಂದಾರ್‌ ತಮ್ಹಾನೆ ಹೇಳಿದರು.
ಮೊದಲ ಆಯ್ಕೆಯ ಗುರ್‌ಪ್ರೀತ್‌ ಸಿಂಗ್‌ ಅನಾರೋಗ್ಯದಿಂದ ಕಳೆದ ಐದು ಪಂದ್ಯಗಳನ್ನು ತಪ್ಪಿಸಿಕೊಂಡ ನಂತರ ಲಾರಾ ಐಎಸ್‌ಎಲ್‌ ಋುತುವಿನ ಕೊನೆಯಲ್ಲಿತಮ್ಮ ಪ್ರತಿಭೆ ತೋರಿದ್ದರು ಮತ್ತು 22 ವರ್ಷದ ಆಟಗಾರ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಸೇರಿದಂತೆ ಕೆಲವು ಪ್ರಭಾವಶಾಲಿ ಪ್ರದರ್ಶನಗಳನ್ನು ನೀಡಿದರು.
‘‘ಕ್ಲಬ್‌ನಲ್ಲಿರುವ ಪ್ರತಿಯೊಬ್ಬರೂ ತುಂಬಾ ಬೆಂಬಲ ನೀಡಿದ್ದಾರೆ – ಆಟಗಾರರಿಂದ ಹಿಡಿದು ಸಿಬ್ಬಂದಿ ಮತ್ತು ಅಭಿಮಾನಿಗಳವರೆಗೆ, ನಾನು ಇಲ್ಲಿಮನೆಯಲ್ಲಿದ್ದೇನೆ ಎಂದು ಭಾವಿಸಿದ್ದೇನೆ. ನಾನು ಈ ಕ್ಲಬ್‌ ನಲ್ಲಿಸಾಕಷ್ಟು ಕಲಿತಿದ್ದೇನೆ ಮತ್ತು ಈ ನಿರ್ಧಾರವನ್ನು ತೆಗೆದುಕೊಳ್ಳುವುದು ನನಗೆ ಕಷ್ಟವಾಗಲಿಲ್ಲ’’ ಎಂದು ಬ್ಲೂಸ್‌ ನೊಂದಿಗೆ ಒಪ್ಪಂದ ವಿಸ್ತರಣೆಗೆ ಸಹಿ ಹಾಕಿದ ನಂತರ ಲಾರಾ ಹೇಳಿದರು.
ಟಾಟಾ ಫುಟ್ಬಾಲ್‌ ಅಕಾಡೆಮಿ ಪದವೀಧರ 202್ನರಲ್ಲಿಎಟಿಕೆ ಮೋಹನ್‌ ಬಾಗನ್‌ನಿಂದ ಬ್ಲೂಸ್‌ಗೆ ಸೇರಿದರು ಮತ್ತು 2021-22 ರ ಐಎಸ್‌ಎಲ್‌ ಋುತುವಿನಲ್ಲಿಅವಕಾಶ ಪಡೆಯುವ ಮೊದಲು ಡುರಾಂಡ್‌ ಕಪನಲ್ಲಿಪಾದಾರ್ಪಣೆ ಮಾಡಿದರು. ಡುರಾಂಡ್‌ ಕಪ್‌ ನಲ್ಲಿಬಿಎಫ್‌ಸಿಯ ಸೆಮಿಫೈನಲ್‌ ಓಟದಲ್ಲಿಗೋಲ್‌ ಕೀಪರ್‌ ಮಿಂಚಿದರು ಮತ್ತು ಅದೇ ಲಯವನ್ನು ಲೀಗ್‌ ಋುತುವಿನಲ್ಲಿಹಿರಿಯರ ತಂಡದಲ್ಲೂಮುಂದುವರಿಸಿದರು.
ಈಗ 23 ವರ್ಷ ವಯಸ್ಸಿನ ಮುಯಿರಾಂಗ್‌ ಐ-ಲೀಗ್‌ 2 ನೇ ಡಿವಿಷನ್‌ನಲ್ಲಿಎಫ್‌ಸಿ ಪುಣೆ ಸಿಟಿ ರಿಸವ್ಸ್‌ರ್‍ ನೊಂದಿಗೆ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ನಂತರ ಎರಡು ಋುತುಗಳಿಗೆ ಗೋಕುಲಂ ಕೇರಳಕ್ಕೆ ತೆರಳಿದರು. ಬಹುಮುಖ ಡಿಫೆಂಡರ್‌, ನಂತರ 2020 ರಲ್ಲಿಬ್ಲೂಸ್‌ಗೆ ಸೇರಿದರು ಮತ್ತು 2020-21 ರ ಋುತುವಿನಲ್ಲಿಕೇರಳ ಬ್ಲಾಸ್ಟರ್ಸ್‌ ವಿರುದ್ಧ ತಡವಾಗಿ ಬೆಂಚ್‌ನಿಂದ ಹೊರಬಂದ ನಂತರ ಪದಾರ್ಪಣೆ ಮಾಡಿದರು. ಡುರಾಂಡ್‌ ಕಪ್‌ ನಲ್ಲಿಕೆಲವು ದೊಡ್ಡ ಪ್ರದರ್ಶನಗಳನ್ನು ನೀಡುವ ಮೊದಲು ಅವರು ಅದೇ ಋುತುವಿನಲ್ಲಿಜಮ್‌ಶೆಡ್ಪುರ ಎಫ್‌ಸಿ ವಿರುದ್ಧ ತಮ್ಮ ಮೊದಲ ಪಂದ್ಯವನ್ನು ಆಡಿದರು.
‘‘ಈ ಕ್ಲಬ್‌ಗಾಗಿ ಹೆಚ್ಚು ಪಂದ್ಯಗಳನ್ನು ಆಡುವುದು ಮತ್ತು ಟ್ರೋಫಿಗಳನ್ನು ಗೆಲ್ಲುವುದು ನನ್ನ ಗುರಿಯಾಗಿದೆ. ನಾನು ಹೊಸ ವ್ಯವಸ್ಥಾಪಕರೊಂದಿಗೆ ಕೆಲಸ ಮಾಡಲು ಮತ್ತು ಹೊಸ ವಿಷಯಗಳನ್ನು ಕಲಿಯಲು ಎದುರು ನೋಡುತ್ತಿದ್ದೇನೆ. ಇಲ್ಲಿನನ್ನ ವಾಸ್ತವ್ಯವನ್ನು ವಿಸ್ತರಿಸಲು ಮತ್ತು ನಮ್ಮ ಅಭಿಮಾನಿಗಳ ಮುಂದೆ ಆಡಲು ನನಗೆ ತುಂಬಾ ಸಂತೋಷವಾಗಿದೆ,’’ ಎಂದು ಮುಯಿರಾಂಗ್‌ ಹೇಳಿದರು.
