ಮಾಜಿ ಎಸ್‌ಸಿ ಈಸ್ಟ್‌ ಬೆಂಗಾಲ್‌ ಡಿಫೆಂಡರ್‌ ಬ್ಲೂಸ್‌ ಜತೆ ಸಹಿ ಹಾಕಿದ ಋುತುವಿನ ಐದನೇ ಪ್ರತಿಭೆ
2023-24ನೇ ಸಾಲಿನ ಋುತುವಿನ ಅಂತ್ಯದವರೆಗೆ ಎರಡು ವರ್ಷಗಳ ಅವಧಿಗೆ ಫುಲ್‌-ಬ್ಯಾಕ್‌ ಹೀರಾ ಮೊಂಡಲ್‌ ಅವರು ಒಪ್ಪಂದಕ್ಕೆ ಸಹಿ ಹಾಕಿರುವುದಾಗಿ ಬೆಂಗಳೂರು ಎಫ್‌ಸಿ ಮಂಗಳವಾರ ಪ್ರಕಟಿಸಿದೆ. ಇಂಡಿಯನ್‌ ಸೂಪರ್‌ ಲೀಗ್‌ನಲ್ಲಿಇತ್ತೀಚೆಗೆ ಎಸ್‌ಸಿ ಈಸ್ಟ್‌ ಬೆಂಗಾಲ್‌ ಪರ ಆಡಿದ್ದ 25 ವರ್ಷದ ಆಟಗಾರ, ಪ್ರಬೀರ್‌ ದಾಸ್‌, ಜಾವಿ ಹೆರ್ನಾಂಡೆಜ್‌, ಫೈಸಲ್‌ ಅಲಿ ಮತ್ತು ಅಮೃತ್‌ ಗೋಪೆ ಅವರ ಸ್ವಾಧೀನದ ನಂತರ ಕೋಚ್‌ ಸೈಮನ್‌ ಗ್ರೇಸ ಅವರ ಅಡಿಯಲ್ಲಿಬ್ಲೂಸ್‌ ಜತೆ ಒಪ್ಪಂದ ಮಾಡಿಕೊಂಡ ಐದನೇ ಆಟಗಾರ ಎನಿಸಿದ್ದಾರೆ.
ಮೊಹಮ್ಮಡನ್‌ ಎಸ್‌ಸಿ ಪರ ಅದ್ಭುತ ಪ್ರದರ್ಶನ ನೀಡಿದ ನಂತರ 2020-21 ರ ಐ-ಲೀಗ್‌ ತಂಡದಲ್ಲಿಹೆಸರಿಸಲ್ಪಟ್ಟ ಮೊಂಡಲ್‌, 2021 ರಲ್ಲಿಎಸ್‌ಸಿ ಈಸ್ಟ್‌ ಬೆಂಗಾಲ್‌ನೊಂದಿಗೆ ಒಂದು ವರ್ಷದ ಒಪ್ಪಂದಕ್ಕೆ ಸಹಿ ಹಾಕಿದ್ದರು. ರೆಡ್‌ ಮತ್ತು ಗೋಲ್ಡ… ಬ್ರಿಗೇಡ್‌ಗೆ ಕಷ್ಟಕರವಾದ ಋುತುವಿನಲ್ಲಿರೂಕಿ ಒಬ್ಬ ಅಸಾಧಾರಣ ಪ್ರದರ್ಶನಕಾರನಾಗಿದ್ದರು, ಆದರೆ ಅದರಲ್ಲಿಅವರ ತಂಡ ಕೆಳ ಸ್ಥಾನಕೆ ಇಳಿಯಿತು.
ಆಕ್ರಮಣಕಾರಿ ಸ್ಥಾನಗಳಿಗೆ ತಳ್ಳಲು ಇಷ್ಟಪಡುವ ಫುಲ್‌-ಬ್ಯಾಕ್‌ ಆಗಿರುವ ಮೊಂಡಲ್‌, ಈ ಹಿಂದೆ ಕೋಲ್ಕೊತಾ ಮೂಲದ ತಂಡಗಳಾದ ರೈನ್‌ಬೋ ಎಸ್‌ಸಿ, ಟಾಲಿಗಂಜ್‌ ಅಗ್ರಗಾಮಿ ಮತ್ತು ಪೀರ್ಲೆಸ್‌ ಪರ ಆಡಿದ್ದಾರೆ, ಅವರು 2015 ರಲ್ಲಿಕೋಲ್ಕೊತಾ ಪೋರ್ಟ್‌ ಟ್ರಸ್ಟ್‌ನೊಂದಿಗೆ ತಮ್ಮ ಯುವ ವೃತ್ತಿಜೀವನವನ್ನು ಪ್ರಾರಂಭಿಸಿದರು.
‘‘ ಭಾರತೀಯ ಫುಟ್ಬಾಲ್‌ನ ಕಳೆದ ದಶಕದಲ್ಲಿಅತ್ಯಂತ ಯಶಸ್ವಿಯಾದ ತಂಡಗಳಲ್ಲಿಒಂದಾದ ಬೆಂಗಳೂರು ಎಫ್‌ಸಿಗೆ ಸೇರಲು ನನಗೆ ನಿಜವಾಗಿಯೂ ತುಂಬಾ ಸಂತೋಷವಾಗಿದೆ. ಭಾರತೀಯ ರಾಷ್ಟ್ರೀಯ ತಂಡದ ಬಹುತೇಕ ಆಟಗಾರರು ಬಿಎಫ್‌ಸಿಗಾಗಿ ಆಡುತ್ತಾರೆ ಮತ್ತು ನಾನು ಅವರೊಂದಿಗೆ ಡ್ರೆಸ್ಸಿಂಗ್‌ ರೂಮ್‌ ಹಂಚಿಕೊಳ್ಳಲು ಸಾಧ್ಯವಾಗುತ್ತದೆ ಎಂದು ಭಾವಿಸುವುದು ಒಂದು ಅದ್ಭುತ ಭಾವನೆಯಾಗಿದೆ. ನಾನು ಈ ಅನುಭವವನ್ನು ಸದುಪಯೋಗಪಡಿಸಿಕೊಳ್ಳಲು ಬಯಸುತ್ತೇನೆ ಮತ್ತು ಮೈದಾನದ ಒಳಗೆ ಮತ್ತು ಹೊರಗೆ ನನ್ನ ಅತ್ಯುತ್ತಮವಾದದ್ದನ್ನು ನೀಡಲು ಬಯಸುತ್ತೇನೆ,’’ ಎಂದು ಮೊಂಡಲ್‌ ತಮ್ಮ ಒಪ್ಪಂದದ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಿದ ನಂತರ ಹೇಳಿದರು.
2018 ರಲ್ಲಿಈಸ್ಟ್‌ ಬೆಂಗಾಲ್‌ ರಿಸರ್ವ್‌ನೊಂದಿಗೆ ಜಿಟಿಎ ಗವರ್ನರ್ಸ್‌ ಗೋಲ್ಡ… ಕಪ್‌ ಮತ್ತು 2020 ರಲ್ಲಿಮಹಮ್ಮಡನ್‌ ಎಸ್‌ಸಿಯೊಂದಿಗೆ ಐ-ಲೀಗ್‌ 2ನೇ ವಿಭಾಗವನ್ನು ಗೆದ್ದ ಮೊಂಡಲ್‌, ಸಂತೋಷ್‌ ಟ್ರೋಫಿಯಲ್ಲಿಪಶ್ಚಿಮ ಬಂಗಾಳ ತಂಡವನ್ನು ಪ್ರತಿನಿಧಿಸಿದ್ದಾರೆ. ಕೋಲ್ಕೊತಾ ಮೂಲದ ಫುಲ್‌ ಬ್ಯಾಕ್‌ ಆಟಗಾರ, ಕಳೆದ ಬಾರಿ ಇಂಡಿಯನ್‌ ಸೂಪರ್‌ ಲೀಗ್‌ನ ಪದಾರ್ಪಣೆಯಲ್ಲೇ 16 ಬಾರಿ ಕಾಣಿಸಿಕೊಂಡಿದ್ದರು.
‘‘ನನ್ನ ಸಾಮರ್ಥ್ಯ‌ದಲ್ಲಿನಂಬಿಕೆ ಇಟ್ಟಿದ್ದಕ್ಕಾಗಿ ನಾನು ಮ್ಯಾನೇಜ್ಮೆಂಟ್‌ ಮತ್ತು ಸಿಬ್ಬಂದಿಗೆ ನಿಜವಾಗಿಯೂ ಆಭಾರಿಯಾಗಿದ್ದೇನೆ. ಕಳೆದ ಖುತುವಿನ ಐಎಸ್‌ಎಲ್‌ನ ನನ್ನ ಮೊದಲ ಆವೃತ್ತಿಯಾಗಿತ್ತು ಮತ್ತು ಬಿಎಫ್‌ಸಿಯಂತಹ ಕ್ಲಬ್‌ಗೆ ಇಷ್ಟು ಬೇಗ ಹೋಗಲು ನನಗೆ ಅವಕಾಶ ಸಿಗುತ್ತದೆ ಎಂದು ನಾನು ಊಹಿಸಿರಲಿಲ್ಲ. ಎಲ್ಲರಿಗೂ ತಿಳಿದಿರುವ ಅಭಿಮಾನಿ ಕ್ಲಬ್‌ ಆಗಿರುವ ವೆಸ್ಟ್‌ ಬ್ಲಾಕ್‌ ಬ್ಲೂಸ್‌ ಅವರನ್ನು ಭೇಟಿಯಾಗಲು ನಾನು ತುಂಬಾ ಉತ್ಸುಕನಾಗಿದ್ದೇನೆ. ನಾನು ಅವರ ಬಗ್ಗೆ ಬಹಳಷ್ಟು ಕೇಳಿದ್ದೇನೆ, ಮತ್ತು ಅವರ ಮುಂದೆ ಆಡುವುದು ಉತ್ತಮ ಭಾವನೆಯಾಗಿದೆ,’’ ಎಂದು ಮೊಂಡಲ್‌ ಹೇಳಿದರು.
2020-21 ರ ಐ-ಲೀಗ್‌ ಅಭಿಯಾನದಲ್ಲಿ, ಎಸ್‌ಸಿ ಈಸ್ಟ್‌ ಬೆಂಗಾಲ್‌ಗೆ ಸ್ಥಳಾಂತರಗೊಳ್ಳುವ ಮೊದಲು, ಮೊಂಡಲ್‌ ಮಹಮ್ಮಡನ್‌ ಪರ 14 ಪಂದ್ಯಗಳನ್ನಾಡಿದ್ದರು. ಎರಡು ಬಾರಿ ಸ್ಕೋರ್‌ ಮಾಡಿದರು ಮತ್ತು ಬ್ಲ್ಯಾಕ್‌ ಪ್ಯಾಂಥರ್ಸ್‌ ಟೇಬಲ್‌ನಲ್ಲಿಆರನೇ ಸ್ಥಾನ ಪಡೆಯಲು ಒಂದು ಗೋಲ್‌ಗೆ ನೆರವು ಸಹ ನೀಡಿದ್ದರು.
‘‘ಹೀರಾ ಕಳೆದ ಕೆಲವು ವರ್ಷಗಳಿಂದ ತನ್ನ ಆಟವನ್ನು ನಿರಂತರವಾಗಿ ಸುಧಾರಿಸಿದ ಆಟಗಾರ, ಮತ್ತು ನಾವು ಈಗ ಕೆಲವು ಸಮಯದಿಂದ ನಮ್ಮ ದೃಷ್ಟಿಯನ್ನು ನೆಟ್ಟಿದ್ದೇವೆ. ಹೊಸ ಋುತುವಿಗೆ ಮುಂಚಿತವಾಗಿ ಅವರು ನಮ್ಮ ತಂಡವನ್ನು ಸೇರಲು ನಮಗೆ ತುಂಬಾ ಸಂತೋಷವಾಗಿದೆ. ಅವರು ಎಸ್‌ಸಿ ಈಸ್ಟ್‌ ಬೆಂಗಾಲ್‌ನೊಂದಿಗೆ ಅದ್ಭುತ ವರ್ಷವನ್ನು ಹೊಂದಿದ್ದರು ಮತ್ತು ನಾವು ನಿರ್ಮಿಸುತ್ತಿರುವ ತಂಡದಲ್ಲಿಅವರು ದೊಡ್ಡ ಪಾತ್ರವನ್ನು ವಹಿಸುತ್ತಾರೆ ಎಂದು ನಮಗೆ ಖಚಿತವಾಗಿದೆ – ಇದು ಯುವ ಪ್ರತಿಭೆಗಳ ಸುತ್ತ ಕೇಂದ್ರೀಕೃತವಾಗಿದೆ,’’ ಎಂದು ಕ್ಲಬ್‌ ಸಿಇಒ ಮಂದಾರ್‌ ತಮ್ಹಾನೆ ಹೇಳಿದರು.
